محترم حضرت حکیم صاحب السلام علیکم! میں قارئین کی خدمت میں خدمت خلق کے جذبے کے تحت کچھ انمول موتی لے کر حاضر ہورہا ہوں امید ہے قارئین مستفید ہوکر میرے لیے دعا کریں گے۔ ان شاء اللہ۔
شیطان سے حفاظت: تعوذ پڑھنے سے شیطان کمزور ہوجاتا ہے‘ شیطان اس انسان سے دور بھاگتا ہے جو تعوذ پڑھتا ہے وہ انسان اللہ تعالیٰ کی پناہ میں آجاتا ہے۔ یہ وظیفہ شیطان کا توڑ ہے۔
کینسر سے حفاظت: ہلدی ہر گھر میں استعمال کی جاتی ہے۔ ہلدی کو پیس کر کیپسول میں بھرلیں۔ روزانہ ایک کیپسول ہمراہ پانی استعمال کریں۔ یہ اندرونی زخموں کا بہترین علاج اور موذی مرض کینسر سے بھی محفوظ رکھتا ہے۔ درد سے شفاء: جوڑوں کے درد‘ اعصابی اور ریڑھ کی ہڈی کے درد سے نجات حاصل کرنے کیلئے یَاغَنِیُّ 33 بار‘ سورۂ فاتحہ گیارہ بار پڑھ کر پانی دم کرکے پئیں۔ چالیس دن کا عمل ہے۔ مچھلی کے تیل کی درد والی جگہ پر مالش بھی کی جاسکتی ہے۔
کلونجی ہرمرض کی دوا: کلونجی بڑھاپے اور موت کے سوا ہر مرض کا علاج ہے‘ آپ بازار سے کلونجی لیکر رات کو سوتے وقت ایک چٹکی ہمراہ پانی کھائیں اورخوشیوں بھری زندگی پائیں
۔شوگرکا علاج: شوگر یعنی ذیابیطس کا مرض تیزی سے پھیل رہا ہے‘ درج ذیل نسخہ استعمال کریں۔ 1۔تخم سرس۔ 2۔ریٹھا۔ 3۔ کلونجی۔ ہر دوا سو گرام لیکر پیس کر مکس کرلیں اور پھر کیپسول میں بھرلیں۔ ایک کیپسول صبح و شام ہمراہ پانی یا دودھ تین ماہ تک استعمال کریں۔ میٹھی اشیاء سے پرہیز کریں‘ شوگر کنٹرول رہے گی۔ ان شاء اللہ۔
نظربد کا علاج: نظربد کے اثرات ختم کرنے کیلئے باوضو ہوکر سورۂ مدثر سات بار پڑھ کر گیارہ دن دم کریں۔ سورۂ ناس اور فلق تین بار پڑھ کر پانی پر دم کرکے پئیں۔
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
